باب ۵

^۱۱۔پر بھراؤ کوئی لوڑ نہیں پئی ویلیاں تے موقعیاں ولوں تہانوں کجھ سکھایا جائے ۔ ^۲۲۔ایس لئی پئی آپ چنگی طرح جاندے ہو ۔پئی خداوند د ادن ایس طرح آؤن والا ہے جس طرح رات نوں چور آؤندا ہے۔ ^۳۳۔جس ویلے لوک آکھدے ہونگے پئی خیر سکھ ہے اوس ویلے اُہناں اُتے ایس طرح اچانک تباہی آو یگی جس طرح گر بھ والی عورت نون پیڑا ں شروع ہندیا ں نے تے اُ ہ کسے طرح نہ بچن گے ۔ ^۴۴۔پر تُسیں بھراؤ ہنیرے وچ نہیں پئی اُہ دن چور ونگر تہاڈے اُتے آوے ۔ ^۵۵۔ کیونجوتُسیں سارےچانن دےپتر تے دن دے پتر ہو ۔ ^۶۶۔اسیں نہ رات داے ہاں نہ ہنرے دے ۔سو ہورناں وانگر سوں نہ رہیے پر جاگدے تے ہوش وچ رہیے ۔ ^۷۷۔کیونجو جہڑ ے سوندے نے اُ ہ راتیں سوندے نے تے جہڑے نشہ پیندے نےسو راتین پیندےنے ۔ ^۸۸۔اسیں جہڑے دن دے ہاں ایمان تے محبت دی بکترپاکے تے نجات دی اُمید د ا خود پا کے ہوشیا ر رہیے ۔ ^۹۹۔کیونجو خداسانوں غضب واسطےنہیں پرایس واسطے مقر ر کیتیا ہے پئی سانوں اپنےخداوند یسوع مسیح دی راہیں نجات ملے ۔ ^۱۰۱۰۔اُہ ساڈی خاطر ایس لئی مویا پئی اسیں بھانو یں جاگدے بھانو یں ستے سارے مل کے اوسے دے نال جیوئیے ۔ ^۱۱۱۱۔سوتُسیں اکدوجے نوں تسلی ویو تے اک دوجے دی ترقی د اسبب بنو جس طرح تُسیں کردے وی ہو ۔ ^۱۲۱۲۔تےبھر اؤ اسیں تہاڈے اگے درخواست کرنے ہاں پئی جہڑے تہاڈے وچ محنت کردے تے خداوند وچ تہاڈے آگو تے تہانوں نصیحت کردے نے اُ ہناندے آکھے وچ رہو ۔ ^۱۳۱۳۔تے اُہناندت کم دے سبب محبت نال اُہناں دی بہتی عزت کروتے آ پو وچ میل ملا پ رکھو۔ ^۱۴۱۴۔تے بھراؤ اسیں تہانوں نصیحت کرنےہاں پئی بیقا عد ہ لڑن والیاں نوں سمجھالو۔نگھریاں ہویاں نوں دلاسا دیو ماڑیاں نوں سمبھالو سبھناں نال صبر داسلوک کرو ۔ ^۱۵۱۵۔خیا ل رکھو پئی کوئی کسے نال بدی دے بدلے بدی نہ کرے ۔ سگوں ہرویلے آپو وچ تے سبھناں نیکی کر ن دے پچھے لگے رہو۔ ^۱۶۱۶۔ہرویلے خوش رہو ۔ ^۱۷۱۷۔ہر ویلے دعا منگوسبھناں گلاں وچ شکر گزاری کرو ۔ ^۱۸۱۸۔کیونجو مسیح یسوع وچ تہاڈے واسطے خدادی ایہو مرضی ہے ۔ ^۱۹۱۹۔روح نوں نہ بجھا ؤ۔ ^۲۰۲۰۔نبو تا ں دی حقارت نہ کرو ۔ ^۲۱۲۱۔ساریاں گلاں پرکھو جہڑ ی چنگی ہے اُہنوں قابو رکھو ۔ ^۲۲۲۲۔بدی دی ہر صورت تھوں لا نبھے رہو ۔ ^۲۳۲۳۔خد اجہڑ ا تسلی دا حشمہ ہے آپ تہانو ں با کل پا ک کر ے تے تہاڈی روح تے جان تے بدن ساڈے خداوند یسوع مسیح دے آؤن تیکر ثابت تے بے عیب بچے رہن ۔ ^۲۴۲۴۔تہاڈا سدن والا وفادار ہے اُہ ایسے طرح کریگا ۔ ^۲۵۲۵۔بھرا ؤ ساڈے لئی دعا منگو ۔ ^۲۶۲۶۔پاک بوسے نال سارے بھرانواں نوں سلام آکھو ۔ ^۲۷۲۷۔میں تہانوں خدا دی سو نہہ دواناہاں پئی اِہ خط سارے بھرانواں سنایا جاوے ۔ ^۲۸۲۸۔ساڈے خداوندیسوع مسیح دا فضل تہاڈےاُتے رہے۔