باب ۱

^۱۱۔میرے بزرگ وَلّوں پیارے گُیس دے ناں جہدے نال میں سچی محبت کرناہاں ۔ ^۲۲۔پیاریا میں اِہ دعاکرناہاں پئی جس طرح تُو ں روحانی ترقی کرنا ں ہیں اوسے طرح تُو ں ساریاں گلاں وچ ترقی کریں تے تگڑا رہیں ۔ ^۳۳۔کیونجو جدوں بھرانواں آکے تیری اوس سچیائی دِی گواہی دتی جہدے اُتے ٹھیک ٹھیک چلنا ہیں تاں میں بہت ہی خوش ہویا ۔ ^۴۴۔میرے لئی ایس تھوں ودھکے ہور کوئی خوشی نہیں پئی اپنے بچیاں نوں سچیا ئی اُتے چلدیاں سناں ۔ ^۵۵۔پیاریا جہڑاسلوک تُوں اُہناں بھرانواں نال کرنا ہیں جہڑے پردیسی نے اُہ نیک نیتی نا ل کرنا ہیں ۔ ^۶۶۔اُہناں کلیسیا دے اَگّے تیر ی محبت دِی گوا ہی دِتی سی جے تُوں اُہناں ننوں ایس طرح دِویا کرینگا جس طرح خدا دے لوکاں نوں چاہیدا ہے تان چنگا کرینگا ۔ ^۷۷۔کیونجو اُہ اوس ناں دے لئی نکلے نے تے غیر قوماں کولوں کجھ نہیں لیندے ۔ ^۸۸۔سوسانوں چا ہیدا ہے پئی اہو جہیاں دی خاطر تواضع کرئیے۔تانجو اسیں وِی سچیائی دے نال کم کرن والے ہووئیے ۔ ^۹۹۔میں کلیسیا نوں کُجھ لکھیا سی پر ویو تر فیس جہڑا اُہناں وچوں وڈا ہونا چاہندا ہے ۔سانوں قبول نہیں کردا ۔ ^۱۰۱۰۔سو جدوں میں آوانگا تاں اُہدیاں کماں نوں جہڑ ے اُہ کرداہے یا ددواوانگا پئی ساڈی با بت بُریاں گلاں بکدا ہے تے پھیر وی بس نہیں کردا سگوں آپ وِی بھرانواں نو اں قبول نہیں کردا تے جہٹرے قبو ل کرنا چا ہندے نے اُہناں نوں وِی ڈکدا ہے تے کلیسیا وچوں کڈ ھ دیندا ہے ۔ ^۱۱۱۱۔پیاریا برائی دے پچھے نہ جاسگوں نیکی پچھے جا کیونجو نیکی کرن ولاخداا وِلّوں ہے تے بریا ئی کرن والے خدا نوں نہیں ڈٹھا ۔ ^۱۲۱۲۔دیمتر یس دِی با بت ساریاں آدمیاں نے تے سچیائی نے آ پ وِی گواہی دتی ہے تے اسیں وِی گواہی دینے ہاں تے تُوں جاننا میں پئی ساڈی گواہی سچی ہے ۔ ^۱۳۱۳۔میں لکھنا تاں بہت کُجھ سی پر سیاہی تے قلم نال لکھنانہیں چاہندا ۔ ^۱۴۱۴۔سگوں تینوں چھیتی ملن دِی اُمید رکھنا ہاں تے اوس ویلے آمہوں سامہنے گل کتھ کرانگے تینوں تسلی ملد ی رہے۔ایس تھاں دےدوست تینوں سلام آکھدے نے توں اس تھاں دےدوست تینوں سلام آکھدےنے توں اوس تھاں ویا ں دوستاں نو ں اِک اِک کرکے سلام آکھیں۔