فلیمون
باب ۱
۱۱۔پولُس وَلّوں جہڑا مسیح یسوع داقید ی ہے ۔تے بھا ئی تیمتھیس وَلّوں اپنے پیارے ساتھی فلیمون ۔
۲۲۔تے بھین افیہ تے اپنے وانگر سپا ہی ارخپس تے فلیمون دے گھر دی جماعت دے ناں ۔
۳۳۔فضل تے تسلی ساڈے باپ خدا تے خدا وند یسوع مسیح ولوں تہانوں ملدی رہے۔
۴۴۔میں تیر ے پیار داتے اوس ایمان داحال سن کے جہڑا خداوند یسوع تے ساریاںمسیحیاں نال ہے۔
۵۵۔ہرویلے خدا داشکر کرنا ہاں تے اپنیاں دعاواں وچ تینوں یاد کرنا ہاں ۔
۶۶۔تانجو تیرے ایمان دی سنگت یہاڈی ہر نیکی دی پچھا ن وچ مسیح دےواسطے کم دیوے ۔
۷۷۔کیونجو بھائی مینوں تیرے پیار داصدقہ بڑ ی خو شی تے تسلی ہو ئی ایس کر کے پئی تیر ی راہیں مسیحیاں دے دل نوں خوشی ہوئی ہے ۔
۸۸۔ہُن بھانویں مسیح وچ میرا بڑ ا حو نصلہ ہے پئی تینوں ٹھیک گل دا حکم دیاں ۔
۹۹۔تاں بھی مینوں اِہ بہتا چنگا لگدا ہے پئی میں بڈھا پولس سگوں ایس ویلے مسیح یسوع دا قیدی ہو کے پیار نال منتاں کراں ۔
۱۰۱۰۔سواپنے پُتر اونیسمس دے لئی جہڑ ا قید وچ میتھوں جمیا ہ تیر ی منت کرنا ہاں ۔
۱۱۱۱۔ پہلاں اُہ تیرے کسے کم دا نہیں سی پر ہن تیرے تےمیرے دوہاں دےکم د ا ہے
۱۲۱۲۔ اُہنوں اپنے کلیجے داٹوٹا جا ن کے میں تیرے کول مڑ کے گھلنا ں ہاں ۔
۱۳۱۳۔اُہنوں میں اپنے کول ہی رکھنا چاہندا ساں تانجو تیرے ولوں ایس قید وچ جہڑ ی خوشخبری دے سبب میری ٹہل کرے ۔
۱۴۱۴۔پر تیری مرضی باہحوں کجھ کرنا نہیں ساں چاہندا تانجو تیرا چنگا کم لاچاری نال نہیں سگوں خوشی نال ہووے ۔
۱۵۱۵۔شائد تیرے تھوں اُہ تھوڑے دناں لئی ایس واسطے اَڈ ہویا ہویا سی پئی سدا تیرے کول رہے ۔
۱۶۱۶۔پراگے نوں غلام وانگر نہیں سگوں غلام نالوں چنگا ہوکے اجہے بھر اوانگر جہڑ ا جسم ولوں میرا بہتا پیار ا تے تیرا اودوں ودھ پیارا ہووے ۔
۱۷۱۷۔سو جے توں مینوں بھنجال جاننا ہیں تاں اُہنوں اجہیا قبول کرجہیا مینوں ۔
۱۸۱۸۔جے اوس تیرا کجھ نقصان کیتا ہے یا اُہدے ول تیر ا کجھ رہندا ہے اُہ میرے نا ں لکھ لے ۔
۱۹۱۹۔میں پولس اپنی ہتھیں لکھنا ہاں پئی میں آپی دے چھڈ انگا تے ایس گل دے آکھن دی لوڑ نہیں پئی میرا قرض جہڑ ا تیرے ول ہے اُہ توں آپی ہیں ۔
۲۰۲۰۔بھر امیں چاہناں ہاں پئی مینوں تیرے ولوں خد اوند وچ تسلی ہووے توں مسیح وچ میرے دل نوں خوش کر ۔
۲۱۲۱۔ایس لئی میں لکھنا ہاں مینوں یقین ہے پئی تُوں میرے آکھے لگینگا تے مینوں معلوم ہے پئی جو کجھ میں آکھناں ہاں توں ادووں وی ودھیک کر ینگا ۔
۲۲۲۲۔نالے میرے لئی رہن داتھاں بنا ئیں کیونجو مینوں اُمید ہے پئی تہاڈیاں دعاواں دی راہیں تہانوں بخشیا جا وانگا ۔
۲۳۲۳۔اپفر اس جہڑا مسیح یسوع وچ میرے نال قید ہے ۔
۲۴۲۴۔مرقس تے ارستر خس تےد یماس تے لوقا جہڑے میر ے نال کم کرن والے نے تینوں سلام آکھد ےنے۔
۲۵۲۵۔ساڈے خداوند یسوع مسیح دا فضل تہاڈی روح اُتے ہندارہے ۔ آمین۔